Hei le! MIZO IDOL SEASON 7

Mizoram chhunga singing competition ngaihven hlawh ber pawl Mizo Idol chu Zonet lamin an buatsaih leh dawn ta.

Kumin Mizo Idol an buatsaih leh tur hi Season 7 a ni dawn a, July 17, 2022-ah an ṭan dawn tih bak chu Zonet lamin an la puangzar lo. Eng ang takin nge an kalpui dawn hriat a la ni lo. An puanzar thuai erawh a rinawm.

Mizo Idol hnuhnung ber kha kum 2018-a buatsaih niin Chanmari tlangval Jerry Lalrinawma chu pakhatna a ni a, kum li hnuah Jerry thachhang dawltu tur thlan a ni dawn ta a ni.

Zonet hian kum 2007 aṭang khan Mizo Idol hi an buatsaih ṭan a, kum tin erawh an buatsaih lem lo. Kumin hi vawi sarih an buatsaihna tur niin, Mizo Idol hmasa ber chu Lallawmpuia a ni.