Kumina film tihchhuah zinga sum lalut tam 2-na Doctor Strange 2
Box Office-ah 'Doctor Strange in the Multiverse of Madness' bawkin ro a rel chhunzawm a, kar tawp liam ta chhung khan theatre 4,534 aṭangin $61,755,804 lai sum lalut lehin pahnihna 'The Bad Guys' nen an sum lakluh a inthlau hle.
'The Bad Guys' hi theatre 3,788 laiah chhuah a la ni a, $7,034,595 a lalut a, sum lalut tam pakhatna leh pahnihna dinhmun hi a inthlau rem rem hle. Box Office chart top 10-ah film thar pahnih- 'Firestarter' leh 'Family Camp' a lang.
Sum lalut tam pahnihna Doctor Strange 2
'Doctor Strange in the Multiverse of Madness' chu tlangzarh a nih aṭanga kar hnih chhung lekin kumin chhunga film tlangzarh zinga sum lalut tam ber dawttu a ni der! 'The Batman' chiah a tluk tawh loa, a sum lakluh hi tun ang renga a pung chho a nih chuan 'The Batman' pawh a khum thuai mai thei.
Khawvel puma Doctor Strange 2 sum lakluh tawh zat chu $688,815,327 a ni a, 'The Batman' chuan '$768,442,517' a lalut tawh a ni.
Film thar 'Firestarter'
Zac Efron leh Ryan Kiera Armstrong-te channa film 'Firestarter' chu theatre 3,412-ah chhuah niin $3,827,715 a lalut a, palina a ni. He film hi science fiction horror-thriller film niin Stephen King lehkhabu ziah behchhana siam niin kum 1984 khan siam a lo ni tawh a, tunah hian an rawn siam thar leh a ni. Amaherawhchu critics lam mit a tlung vak lo niin a lang, Rotten Tomatoes-ah mi 93 review aṭangin rating 3.8/10 chiah a hmu.
Film thar, film thar
Box office-a 10-na faith based movie, 'Family Camp' chu film thar a ni a, On the Count of Three (21), Montana Story (22), Pleasure (23), The Innocents (24), Mau (28), Jazz Fest: A New Orelans Story (29), leh Kamikaze Hearts (37)-nate chu film thar an ni bawk.
Box Office top 10:-
1 Doctor Strange in the Multiverse of Madness $61,755,804
2 The Bad Guys $7,034,595
3 Sonic the Hedgehog 2 $4,654,896
4 Firestarter $3,827,715
5 Everything Everywhere All at Once $3,319,646
6 Fantastic Beasts: The Secrets of Dumbledore $2,552,448
7 The Northman $1,747,245
8 The Lost City $1,695,949
9 Family Camp $1,399,117
10 The Unbearable Weight of Massive Talent $1,062,126