Kum 11 hnuah UK-ah MCR

Emo rock band My Chemical Romance chu Thawhṭanni zan khan The Eden Project, Cornwall-ah an inlan a, hei hi kum 11 lai a liam hnua UK Show-a an inlan leh hmasak ber a ni.

MCR hian an single thar puanzar lawk loa tunhnaia an drop The Foundations of Decay' chu a vawi khatna turin live-in an perform nghe nghe a, hei hi Los Angeles-a kum 2019-a show an neih hnua an gig neih leh hmasak ber a ni bawk.

Ray Toro, Frank Iero, Gerard leh Mikey Way-te chuan an hla hit eng emaw zat an sa bawk. An reunion thu kum 2019 khan an puang a, chumi hnu lawkah hrilengin khawvel a tibuai bawk nen, an chawl zui leh vang vang a; tunah erawh an rawn kir leh ṭan ta tak tak e.