Sam Calfin channa tur film 'Bagman'

'Peaky Blinders' star Sam Calfin chu Lionsgate film siam tur supernatural thriller 'Bagman'-ah a chang dawn.

He film hi British director Colm McCarthy chuan a direct dawn a, John Hulme chuan script a ziak dawn thung. Pa pakhat, a naupan laia a sakawlh hlauh ṭhin tak mai, a lo hneh tawh hnu chu rawn let lehin a chhungkua chhanhim tura a beih dan chungchang a ni dawn a, 'Twilight' leh 'The Fault in Our Stars' lama sulhnu ṭha tak lo hnutchhiah tawh Marty Bowen leh Wyck Godfrey-te chuan an produce dawn a ni.

Sam Calfin hian lemchan lamah sulhnu a hnutchhiah nual tawh a, 'Pirates of the Caribbean: On Stranger Tides', 'Snow White and the Huntsman' bakah 'The Hunger Games' series-ahte pawh khan a inlan a, TV series lamah pawh a inlan nual tawh bawk a ni.