Donald Trump-a hnuaiah Shakira ngaih a ngam lo

Colombia lam mi daih a ni nachungin Donald Trump-a kaihhruai US-ah Shakira ngaih a ngam lo a, a thlamuang tawk lo.

Donald Trump hian hman ni lawk khan Muslim ram pasarih aṭanga an rama luh a phal loh thu a tichhuak a nih kha. Hemi thu kal zelah Shakira chuan hnam tlêm zawkte a hlauhthawnpuina thu a sawi chhuak. “He thil hi Muslim-te leh raltlante tana harsatna siamna chauh a ni lo a, khawvel mihring zawng zawngte leh a bikin, humhalh leh venhim ngaite tana harsatna siamna a ni,” a ti.

UNICEF Goodwill ambassador Shakira chuan, “Tunah hian khawvel pumah buaina leh indona hian naupang maktaduai 28 chuang zette chu an awmna aṭangin a nawr chhuak a, an in leh lo chhuahsan lo thei loin a siam a ni. Naupangte hian hnam hrang leh ram ri an hre lo a; heng naupangte hi laluta enkawltute nun dan hnung an zui ve zel zawk a ni,” a ti.