Real Madrid player hluiin rap music a siam
Kum 2007 aṭanga 2012 chhunga Real Madrid player, chumi hnua loan-a Everton-a chhuak leh Royston Drenthe chuan football aṭangin music lam a luhchilh ta thung.
A vanglai a pel ve deuh tawh a, kum 29 mi a ni tawh a, thla ruk chhung zet chu khelhna club a nei tawh lo. Hengte avang pawh hi a niang, Holland international player hlui hian rap hla ‘Paranoia’ tih a siam thar a, tunhnai khan a tichhuak.
Drenthe hian a hma pawhin hla a lo tichhuak tawh a, Feyenoord-a a khelh lai, kum 2014 khan Rotterdam, Netherlands-a rapper, U-Niq nen hla an lo thun dun tawh bawk.