Grammy Awards 2017 ; Kristian musician Chance The Rapper a langsar

Music khawvela chawimawina an ngaih ropui ber, Grammy Awards chu Pathianni zan khan (keini tana Thawhṭanni zing) Los Angeles-a Staples Centre-ah sem a ni ta a, Adele chuan Best Album a la.

Inrinni khan Beverly Hilton Hotel-ah Pre-Grammy Party buatsaih a ni a, hetah hian zaithiam lar leh hlawhtlingte an pungkhawm. Pathianni zana Grammy Awards sem ṭan hma hian Red Carpet kaihpharh phawt a ni a, hetah hian milar rualte designer ropui tak tak kutchhuak inbelin an rawn lang hlawm. Adele chuan kawr hring fual a rawn inbel chhuak a, ani baka thlala­tute mit latu chu Lea Michele leh Camila Cabello te an ni. Tinashe, Paris Jackson leh Cassadee Pope te pawhin mit an la a, Michael Jackson-a fanu, Paris Jackson hian coutout leh slits awm, rawng lar tak a rawn inbel.

Kum nga chhung zet LL Cool J-a'n a host hnuah kumin chu Late Late Show host, James Corden-a'n a host ve thung. The Weeknd leh Duff Punk te an rawn che chhuak a, 'Starboy' leh 'I feel it coming' an rawn sa. Award dawng hmasa ber hi a chhuanawm a, Kristian rapper, Chance The Rapper a ni. Chance The Rapper hian Best New Artist a dawng a, he award hi Jennifer Lopez-i'n a hlan. Award a dawng a, a thusawi tlip nan 'Pathian ropui rawh se. Hnehna chu Lalpa avangin ka chang ta," a ti. Chance The Rapper hian Best Rap Album leh Best Rap Performance-ah te award a dawng bawk.

Beyonce-i laizawn, Solange Knowles chuan a vawi khat nan Grammy a dawng a, a dawnna hi Best R&B Performance a ni. Beyonce thung hian Best Urban Contemporary Album a la a, acceptance speech-ah Pathian hnenah lawmthu a sawi a, a pasal Jay-Z, a fanu Blue Ivy leh a fan te chunga a lawmzia a sawi bawk. Beyonce dul puar ta pawh a lang ta hle.

Katy Perry chuan an beisei ang hla 'Chained to the rhythm' hla ngei mai a rawn sa a, armband a bunah, 'Resist' tih a inziak. Hillary Clinton ṭan em emtu hian Donald Trump-a thiltih a thlawp lohzia a lantir ni ngeia ngaih a ni. Beyonce chuan 'Lemonade' album-a hlate a medley a, nau a pai tawh a, a pumah pawh a lang tawh nachungin a la inzo zak zak hle.

Sawi hmaih phal rual loh chu Lady Gaga leh Metallica zai kha a ni. Super Bowl half time-ah ropui namen loa ropuia a chet hnuin Lady Gaga chu Metallica nen ropui em em bawkin Grammy-ah an rawn che leh a, Gaga chuan 'MetalliGa' tiin a sawi. An perform a ropui tur anga a ropui tawk lohna, sawisel a kaina chu James Hetfield mic a tira a chhia kha a ni. Metallica album thar 'Hardwired...to Self Destruct' album-a mi hla 'Moth into Flame' an rawn sa a, hemi hriatreng nan Gaga hian a hnungzângah lungphur lem tattoo a chhuttir! Metallica album thar aṭang hian 'Hardwired' chu Best Rock Song-ah nominate a ni a, mahse David Bowie hla 'Blackstar' a ngam ta lo.

Prince leh George Michael te pualin Grammy-ah hian hun hman a ni. Prince tan hian Bruno Mars leh The Time an che a, George Michael pualin Adele. Adele hian George Michael hla Fast Love a sak laiin a zai a titawp; a chang khatnaa 'All this bulls**t conversation' a sak laiin a censor lo tih a hre chhuak leh hnuhnawh a, ngaihdam a dil a, sak ṭhat leh a dil phah. Bruno Mars hian Prince hla 'Let's go crazy' hla a rawn sa a, guitar pawh a lo thiam viau mai, a zût ve ngang ngang kha.

Winner Ṭhenkhatte
Album of the Year
25, Adele
Record of the Year
“Hello,” Adele
Song of the Year
“Hello,” Adele and Greg Kurstin
Best New Artist
Chance the Rapper
Best Pop Vocal Album
25, Adele
Best Traditional Pop Vocal Album
Summertime: Willie Nelson
Best Pop Solo Performance
“Hello,” Adele
Best Pop Duo/Group Performance
“Stressed Out,” Twenty One Pilots
Best Country Album
A Sailor's Guide to Earth, Sturgill Simpson
Best Country Solo Performance
“My Church,” Maren Morris
Best Country Duo/Group
“Jolene” Pentatonix
Best Country Song
“Humble and Kind,” Lori McKenna
Best Rock Album
Tell Me I'm Pretty, Cage the Elephant
Best Rock Song
“Blackstar,” David Bowie
Best Rock Performance
“Blackstar,” David Bowie
Best Alternative Music Album
Blackstar, David Bowie
Best Metal Performance
“Dystopia,” Megadeth
Best Urban Contemporary Album
Lemonade, Beyoncé
Best Rap Album
Coloring Book, Chance the Rapper
Best Rap Song
“Hotline Bling,” Drake
Best Rap Performance
“No Problem,” Chance the Rapper [ft. Lil Wayne & 2 Chainz]
Best Rap/Sung Performance
“Hotline Bling,” Drake
Best R&B Album
Lalah Hathaway Live,
Lalah Hathaway
Best R&B Song
“Lake By the Ocean,” Maxwell
Best R&B Performance
“Cranes in the Sky,” Solange
Traditional R&B Performance
“Angel,” Lalah Hathaway
Best Reggae Album
Ziggy Marley, Ziggy Marley
Best Traditional Blues Album
Porcupine Meat, Bobby Rush
Best Contemporary Blues Album
The Last Days of Oakland, Fantastic Negrito
Best Dance Recording
“Don't Let Me Down” [ft. Daya], The Chainsmokers
Best Dance/Electronic Album
Skin, Flume
Best New Age Album
White Sun II, White Sun
Best Gospel Performance/Song
“God Provides,” Tamela Mann; Kirk Franklin, songwriter
Best Contemporary Christian Music Performance/Song
“Thy Will,” Hillary Scott & the Scott Family
Best Gospel Album
Losing My Religion, Kirk Franklin
Best Contemporary Christian Music Album
Love Remains, Hillary Scott & the Scott Family
Best Roots Gospel Album
Hymns, Joey+Rory
Best World Music Album
Sing Me Home, Yo-Yo Ma & the Silk Road Ensemble
Best Music Video
“Formation,” Beyoncé
Best Music Film
The Beatles: Eight Days a Week the Touring Years, The Beatles
Best Score Soundtrack for Visual Media
Star Wars: The Force Awakens, John Williams, composer