Mawitei ft Open Strings Ṭhazual chart-ah an vul zel

Nunui a liam a, Hontrade International Ṭhazual Faknaah Mawitei leh Open Strings te zai a vul nasa ta ber mai.

Honatrade International Ṭhazual Fakna chart tihchhuah thar berah Mawitei leh Open Strings te hla 'A vul zel' chu pa­khatnaah a rawn chho a, a hmaa pakhatna luahtu Lalremsiami hla 'Ka vui lo Lalpa' tih chu panganaah a tla thla thung.

'A vul zel' tih hla hi Parema phuah a ni a, a hmasaa pakhatna luahtu 'Ka vui lo Lalpa' tih pawh kha Parema phuah tho niin, 'Ka vui lo Lalpa' tih album-a hla awm ve ve a ni. He album hi nikuma tihchhuah kha a ni a, he album hralhna aṭanga sum hmuhte hi Parema chuan ṭanpui ngaite ṭan­pui nana pek vek a tum.

Mawitei ft Open Strings 'A vul zel' tih hla hi nikum December 5-a Ṭhazual chart tih­chhuah aṭang khan kan hmu ṭan a, 10-naah bul a rawn ṭan. December 19 khan pariatnaah a chho a, Janua­ry 16, 2017 kha chuan pathumnaah a kai chho thei tawh a, Janua­ry 30 khan pahnihnaah chhoin, tunah pakhatnaah a rawn ṭang ta a ni.

Top 10 aṭangin Ark of Melody leh Electric Veng Branch KṬP (Matthaia Group) te chu an chhuak a, top 10-ah a thar pahnih kan hmu. Lalremsiami hla thar 'Malin ka awm lo' tih chu pasarihnaah a rawn lang thar a, Sawmtea hla 'I tan ka hlan' tih chu 10-naah a rawn lang thar bawk. Top 10-ah hian Lalremsiami hla pahnih a lang ta a, TBC Zaithanpuia hla pawh pahnih a lang bawk.

Hontrade International Ṭhazual Fakna

1 Mawitei ft Open Strings

- A vul zel

2 Bethsy Lalrinsangi

- Mifelte chauh

thlang lova

3 TBC Zaithanpuia

- Nang chauh i ni

4 Fiona Pachuau

- I hming chauh

5 Lalremsiami (Nunui)

- Ka vui lo Lalpa

6 Pensy B. Lalthangliani

- Ka inhumhimna

7 Lalremsiami (Nunui)

- Malin ka awm lo

8 TBC Zaithanpuia

- Zawh ka zuam lo

9 Lalhlumawii

- Ka dai ngai loh ram nuam

10 Sawmtea

- I tan ka hlan