BAFTA an sem ta

Atlantic tuipui thlang lama Grammy an sem laiin, British thliarkarah chuan British Aca­demy Film Awards an lo sem ve chiah a, La La Land chu film mala langsar ber a ni a, award panga ngawt a dawng.

London-a Royal Albert Hall-ah BAFTA hi sem a ni a, Prince Williams leh Duchess Kate Middleton te pawh an kal. La La Land hian award panga ngawt a dawng. He film-a a changtunu, Emma Stone chuan Best Actress a dawng a, director Damien Chazelle chuan Best Director a dawng. Best Cinematography-ah La La Land hi thlan a ni a, Best Original Music pawh a dawng bawk. An ngaihhlut ber, Best Film-ah La La Land puan a ni.

Langsar dang chu Manchester by the Sea a ni. He film-a a changtupa Casey Affleck chuan Best Actor a la a, he film hi Best Original Screenplay-a thlan a ni.