2021 Grammy nomination list a chhuak Beyonce hming a langsar ber
2021 Grammy nomination list a chhuak ta a, Beyonce hming chu langsar berin Taylor Swift, Dua Lipa leh Roddy Rich-te hming pawh a langsar hle.
Beyonce chuan a 'Black Parade' a thlawhfuh hle tih a chiang a, record of the year, song of the year, best r&b performance leh best r&b song category-ahte nomination a hmu. Megan Thee Stallion nena an thawhdunna 'Savage' chuan record of the year, best rap performance leh best rap song category-ah nomination a hmuh bakah best music video ("Brown Skin Girl") leh best music film (Black Is King.)-ahte nomination a hmu.
Taylor Swift, Dua Lipa leh Roddy Rich-te chu nomination hmu tam an ni bawk.
Taylor Swift hian 'Folklore' hmangin album of the year, leh best pop vocal album-ahte nomination a hmu a, a hla hit 'Cardigan' chu song of the year leh best pop solo performance-ahte nominate ni bawkin 'Exile' chu best pop duo/group performance-ah nominate a ni ve bawk.
Cats-a 'Beautiful Ghosts' vang khan best song written for visual media nomination a hmuh tel avangin nomination hmu tam zingah a hming a lan phah.
Dua Lipa pawhin a album 'Future Nostalgia' bakah 'Don't Start Now' leh J Balvin, Bad Bunny leh Tainya thawhpuina 'Un Dia (One Day)' hmangin nomination hmu tam ber zingah a hming a lang a, Roddy Ricch pawh a hming a langsar hle.
Sawi hmaih loh tur zingah BTS leh One Direction star Harry Styles-te an tel a, Justin Bieber pawh sawi hmaih chi a ni lo. Bieber hian category paliah nomination a hmu a, chung zingah chuan Best Pop Solo Performance leh Best Pop Vocal Album-te pawh a tel.