Bella Hadid-in a pa passport a post an paih vangin IG-a sawisel

Model Bella Hadid chuan a pa Mohamed Hadid piancham pualin a instagram story-ah a pa passport (USA) a post a, hei hi instagram lamin an paih sak avangin instagram chu a sawisel zui.

A pa  passport-ah hian a pa pianna hmun Palestine leh a pian ni pawh a chuang a ni. 'Community guideline kalh zawnga post a nih avangin an remove sak tih instagam lam chuan Bella hi an hriattir a ni. Bella hian a pa pianna hmun a post avang hian heng dante hi a bawhchhe ta em ni? tiin instagram hi a zawt let a ni. Hei bakah hian Palestinian-te chu instagram-ah hian kan leng ve lo a mi? tiin a sawi chhuak hial bawk.

Hetihlai hian Facebook thupuangtu lam chuan nationality emaw ethnicity emaw vanga post remove an nih loh thu leh Palestine lam sawilan a nih avang pawha remove an nih loh thu a sawi ve bawk.