Lamb of God-in hla thar tichhuak Album thar tichhuak hnai

Lamb of God chuan music video thar 'Checkmate' an tichhuak. May 8 hian album thar an tlangzarh dawn tih an puang nghal bawk.

An album thar tihchhuah tur hi an band hming 'Lamb of God' tih a ni dawn a, Lamb of God an nih hnua an studio album pariatna tur niin, an band hmung hmasa Burn the Priest an nih lai nen chhiar tel chuan 10-na tur a ni thung ang.

An drummer chhuan­vawr Chris Adler chhuah hnua an album hmasa ber tur a ni a, tunah hian recording chu an zo fel tawh a ni.

An album thar tur hi a duh tan chuan pre-order hun an hawng tawh a, an music video thar 'Checkmate' pawh hi he album a mi tur hi a ni ang. Hetihlai hian YouTube lama an music video dahchhuah thar hi India ramah chuan nimin thleng kha chuan a la en theih loh thung.

Hetihlai hian an album thar tihlarna tur hi Valentine's Day hian kick off House of Vans show, Chicago-ah an nei dawn. He event hi a thlawnin a en theih dawn bawk.

March thla chawhnu lamah chuan Europe lamah tour neiin an chhuah zui leh dawn bawk a ni.