Katy Perry-in a album thar Cover tur a pho chhuak

Naute thar nei mai tura inbuat­saih mek Katy Perry chuan a album tihchhuah thar tur 'Smile' album cover social media lamah a fan-te hmuh­theih turin a pho chhuak.

'Roar' singer hi a album cover turah hian lungngaih hmel takin a ṭhu a, clown niawm takin a hnarah 'red nose' a vuah bawk. Smile hi merchandise nen a tlangzarh rual dawn a, chung zingah chuan t-shirt, jigsaw leh face mask-te pawh a tel.

Hetih mek lai hian Katy Perry hian album a tlangzarh hnuah erawh chawlh lak rih a tum thu sawiin, hei hi a pasal hual Orlando Bloom nena an inneihna tur ruahmanna siam a duh vang niin a lo sawi tawh. Good Morning America-ah Perry hian,"Ka fa pian hunah chuan keima duhdanin ka inkhung hrang dawn a, kum hnih chhung lai ka lo buaipui tawh ka record hi mipui tana thilpek atan ka duh a, a chhan chu khawlai a him hunah khawlaiah an la lampui duh dawn vang a  ni," tiin a lo sawi tawh.

'Smile' hi a studio album pa­rukna tur a ni dawn a, August 14 hian tlangzarh a tum a ni. Capitol records-in an tlangzarh sak dawn a. nikum leh kumin lama single a tihchhuah "Never Really Over", "Harleys in Hawaii", "Daisies" leh "Smile"-te pawh kha a album thara mi tur vek hi a ni. Track listing pawh a tichhuak vek tawh a, mi hrang hrang a thawhpui dawn tih pawh chiang tawh a,  "Harleys in Hawaii"-ah pawh hian Charlie Puth a thawhpui a ni.