Bad Bunny leh Jack Harlow rorelna Billboard

Billboard 200 chart-ah Bad Bunny chuan a album thar 'Un Verano Sin Ti' hmangin ro a rel a, Jack Harlow chu kar hnih lai pahnihna a nih hnuah 'First Class' hmangin pakhatna a rawn ni leh.

'A Summer Without You' tihna
Billboard 200 chart-a pakhatna ni mek 'Un Verano Sin Ti' hi Spanish ṭawng niin 'A Summer Without You' tihna a ni a, Bad Bunny solo album palina a ni. May 6-a a tlangzarh kha a ni a, hla 20 lai awmin Chencho Corleone, Jhay Cortez, Tony Dize, Rauw Alejandro, Bomba Estéreo, the Marías leh Buscabulla-te a thawhpui a ni.

Kar liam ta chhung khan album-equivalent units 2,74,000 lai a hmu chhuak a, kumin chhunga album hit ber a ni hial! Bad Bunny-a'n Billboard 200 No.1 album pahnih a neihna chiah a ni a, chu bakah chuan Spanish hla hlang awmna album Billboard 200 chart topper ni thei pahnihna a ni bawk.

Nikum September thlaa Drake-a album tihchhuah 'Certified Lover Boy' hnua US-a album an stream tam ber a ni nghe nghe a, kar liam ta Ningani thleng khan vawi maktaduai 356.66 lai an stream!

Album tharte
Jack Harlow album thar "Come Home The Kids Miss You' chu pathumna a ni a, Arcade Fire album thar 'We' chu parukna ni thungin Eslabon Armado album 'Nostalgia' chu pakuana a ni bawk.

Hot 100-ah 'First Class' a lo kir e
Jack Harlow hla hit 'First Class' chu kar hnih lai topper a nih tawh loh hnuah Billboard Hot 100 chart topper a rawn ni leh a, kar hmasa lama pakhatna Future Featuring Drake & Tems 'Wait For U' chu pathumna a ni thung. Harry Styles 'As It Was' chu pahnihna a ni ve bawk a ni.

Billboard Hot 100 chart top 10-ah 'Un Verano Sin Ti' album-a mi hla pali lai a lang a, 'Moscow Mule' chu palina niin, 'Titi Me Pregunt'o chu pangana a ni thung a, 'Despues de La Playa' leh 'Me Porto Bonito' chu parukna leh 10-na an ni bawk.

Aritst 100 char lamah pawh Bad Bunny tho pakhatna a ni a, Jack Harlow chu pahnihna niin Future chu pathumna a ni ve thung a ni.

Billboard 200 chart top 10:-
1 Un Verano Sin Ti Bad Bunny
2 I Never Liked You Future
3 Come Home The Kids Miss You Jack Harlow
4 Dangerous: The Double Album Morgan Wallen
5 Sour Olivia Rodrigo
6 We Arcade Fire
7 7220 Lil Durk
8 Encanto Soundtrack
9 Nostalgia Eslabon Armado
10 Certified Lover Boy Drake

Hot 100 top 5:-
1 First Class Jack Harlow
2 As It Was Harry Styles
3 Wait For U Future feat. Drake & Tems
4 Moscow Mule Bad Bunny
5 Titi Me Pregunto Bad Bunny