Miranda Kerr leh Evan Spiegel-te'n zirlaite loan rulhsak

Victoria's Secret Angel star Miranda Kerr leh a pasal Snap-chat CEO Evan Spiegel-te chuan Otis College aṭanga graduate thar zirlaite loan an rulhsak.

Miranda Kerr-te nupa hian Los Angeles-a awm Otis College of Art and Design tan hian donation eng emaw zat chu an Spiegel Family Fund kaltlangin an pe a, hei hi kumina graduate zirlaite loan rulhna atana hman tur a ni. Kumin hian zirlai graduate 285 lai an awm nia tarlan a ni nghe nghe. Hemi chungchang hi Pathianni khan puanzar a ni a, Otis-ah hian Miranda leh Evan-te hian high school an kal laiin class an kal ve ṭhin a, he college hian honorary degree a hlan ve ve bawk.

Australian model Miranda Kerr leh Evan Spiegel-te hi kum 2017 khan inneiin fa pahnih an nei tawh a ni.