July 22-ah Lenovo Legion Gaming Phone

Chinese tech firm phone thar, mi tam takin an nghahhlelh em em Lenovo Legion Gaming Phone chu July 22 hian tlangzarh a ni dawn ta.

Lenovo chuan an phone tlangzarh tur hian Qualcomm Snapdragon 865 Plus (Snapdragon 865+) chipset a hmang dawn tih an puang tawh a, hei hi phone-a game khel ṭhinte'n an nghahhlehna pakhat pawh a ni ngei ang.

July 22-ah chiah chiah hian gaming phone tho Asus ROG Phone 3 chu tlangzarh a ni ve nghal dawn tih Ningani khan puan a ni tawh bawk a, he phone pawh hian Snapdragon 865+ a hmang dawn tho a, hei vang hian heng phone pahnihte hi inel tawk viau tura rin an ni.

Lenovo Mobile Gaming Group vice president Jerry Tsao chuan thuchhuah siamin Lenovo Legion chu an brand-a Snapdragon 865+ hmang hmasa ber tur a nih thu a sawi. India ramah chuan Rs. 49,990 man vel a nih beisei a ni bawk.

Lenovo Legion specification (expected)

Operating system        :     Android 10.0 (Q)

Display size                    :     6.67"

Resolution                    :     3180x1440

CPU                            :     Qualcomm Snapdragon 865+

RAM                            :     8Gb

Storage (ROM)            :     128GB

Battery                        :     5000mAh

Cameras                        :     64Mp Sony IMX686