Thlaa gel ang tak hmuh chhuah eng nge a nih hre tawh

China Yutu-2 lunar rover chuan nikum lamah khan 'far side of the Moon' (dark side of the Moon)-ah thil danglam tak, gel ang tak thil hring a hmu chhuak a, hei hi eng thil nge tih hriat tumin mithiamte chuan an zirchiang a ni.

An zirchianna aṭanga a lan dan chuan an thil hmuh chhuah chu 'breccia' emaw 'impact melt breccia 'a  ni tih an puang. Breccia chu lung ang deuh, mineral leh lung inzawmin an siam ṭhin niin an tarlang bawk. Science journal Earth and Planetary Science Letters-ah mithiamte chuan hemi chungchang hi an tarlang a ni.

January 2019 khan Chinese spacecraft Chang'e-4 chu far side of the Moon-ah hian a ṭum a, hemi hnu hian a  Yutu-2 lunar rover chuan thil danglam tak hi a hmu chhuak a, nikum kum tawp lam aṭang khan data hrang hrang lakhawmin eng nge a nih zirchian nghal a ni. Data hrang hrang lakkhawm aṭangin 'breccia' hi niin mithiamte chuan an ngai. An thil hmuh chhuah hi  'lunar impact melt braccia sample' NASA' Apollo mission-in khawvela a rawn hawn nen pawh a inang deuh niin an sawi bawk.

China Chang'e-4 hi mi­hring siam spacecraft zinga far side of the Moon-a soft landing hmasa ber a ni a, Thla lo pian chhuah dan zirchiang tura an kah chhuah a ni.