Boruak bawlhhlawhna hmuna insawizawi rei a hlauhawm

Preventine Medicine chanchinbuin a tarlanah India ram khawpui lian, boruak bawlhhlawhna hmuna pawn boruaka darkar chanve aia rei insawizawi chu hriselna atan a hlauhawm.

India ram hmun ṭhenkhata boruak bawlhhlawhin mihringa harsatna a siam theih dan zirchianna Preventive Medi­cine-in a tarlanah chuan khawpui lian ṭhenkhat a, pawn boruaka minute 30 aia rei insawizawi hi taksa tana a ṭhatna aiin a hlauhawmna a tam zawk.

India hmar lama khawpui lian, Allahabad leh Gwalior-ah te chuan minute 30 aia rei pawn boruaka insawizawi taksa tan a hlauhawm a, New Delhi-ah chuan darkar khat dawn a ni thung. Particle matter tam lam hi a sang a nih chuan pawn boruaka insawizawi rei chu taksa tan a hlauhawm hle tih tarlan a ni.

He chanchinbuin a tarlan dan chuan India ram khawpui hrang hrang, a bikin hmar lam khawpui­ah te chuan pawn bo­ruaka insawizawi pawhin minute 30 aia rei lo hi a him a, hemi pelh bakah exercise lak chu mihring hriselna atan a pawi thei tawh a ni. Insawizawi leh boruak bawlhhlawh inkaihhnawih dan zir­chian nan hian thirsakawr khalh hman a ni. Zîng­a tlân ṭhin ai chuan in chhunga treadmill-a tlan a him zawk tih tarlan a ni a, pawn boruak insawi­zawi pawhin taksa chêt tlêm zawkna chite chu a him zawk tura ngaih a ni.