Lungdumtu DVD tlangzarh dawn

Mizo film, kum 2015-a tihchhuah, Lungdumtu chu hun eng emaw chen hmun hrang hranga big screen-a chhuah a nih hnuah, vawiin hian DVD-in tlangzarh a ni ang. Pawl leh mimala sum tuak nana zawrh chhawn theih a ni.

Lungdumtu film hi kum 2015-a tihchhuah a ni a, PC Mawia Entertainments Produce leh Leitleng Pictures te kutchhuak a ni. He film-ah hian Alex Lalchhuankima, Lal­hruaitluanga Sailo, R. Vanlalchhandama (Adama), Mamuani teho an chang.

DVD-a zawrh chhuah a nih hnuah a siamtute hriatpuina loa Cable TV-ah te tihchhuah an phal lo a, chu bakah a siam­tute hriatpuina loa lo zawrh chhawn leh zawrh chhuah an phal lo. Pawl anga zuar duh tan 9862849228-ah emaw 7005612204-ah te zawh theih a ni.