Metallica member-ah Gaga maw?

Grammy-ah an che ropui a, sawi hat hat tham a tling. Khatianga an inkawp fuh vang kha nge, Metallica drummer, Lars Ulrich chuan Lady Gaga hi Metallica member pangana a ni thei a ti.

Lars Ulrich-a’n Gaga an member a nih theih thu a sawi hma, Grammy-a an zaiho hma khan an guitarist Kirk Hammett chuan a lo fak viau tawh. “Lady Gaga kan zaipui dawn tih an sawi tirh khan, a chakawm hle mai kan ti a; kan han tih ho tak tak erawh kha chuan a ṭha ropui (really really really well),” tiin a fak.

Lars hian Gaga hi zaithiam a tiin, a perform ṭha a ti hle. An band member pangana a nih theih thu hmanga an band nena zai ho a sawi bakah hian, hunawl a neih phawt chuan stage-ah an band a zawm thei reng ang a ti bawk. Super Bowl-a a chet dan ropui a tihzia a sawi a, zaithiam a tih ṭhinzia a sawi bawk.