C. Lalzarmawia leh PC Vanlalhriati-ten Master of Music Degree Honourary an dawng

Union Biblical Seminary Yangoon (UBS), Immanuel Theological Institutions, Online Bible College  leh IHOP University Kansas ṭangkawp chuan zaithiam leh hla phuah thiam ni bawk C. Lalzarmawia leh PC Vanlalhriati-te hnenah Inrinni khan Master of Music Degree Honourary a hlan. C. Lalzarmawia hi hla ṭha tak tak phuah tawhtu a ni a, Mizo-te zingah a hla phuah pakhat tal hre lo an tlem hle ang. Tunah hian BCM Kohhran Ramthar(Lunglei)-ah upa a ni mek. PC Vanlalhriati hi Music Domain Mizoram (MDM) member ni lai mek a ni a, Youth Icon 2012-ah Top 5 niin heta ṭanga hriat hlawh ṭan hi niin, tunah hian hmun hrang hrangah Pathian rawlbawla zaiin a zinkual nasa hle a ni.