Ed Sheeran hmingin mi bum

Super Bowl hmaa Pre-Super Bowl event buatsaihah, Ed Sheeran manager anga insawi pakhatin mi a bum. Pre-Super Bowl Event-ah hian mi pakhatin, mi ṭanpuitu pawl, The Giving Back Fund chu biain, Ed Sheeran manager niin a insawi a, he event, mi ṭanpuina tura buatsaihah Ed Sheeran a zai dawn a, chuvang chuan ticket pali pe turin an dil. The Giving Back Fund hian ticket pali an pe tih sawiin, a hnuah hei hi an hralh chhawng leh a ni awm e. Ticket pakhat hi USD 50,000 man vel a ni. The Giving Back Fund hian police hnenah an thlen a, police-ten an chhuizui mek.