Grammy-ah inthliarna a awm lo

Solange Knowles-i’n Grammy Awards-ah chi inthliarna awm anga a sawi hnuah Grammy lam hotute an rawn ṭawng chhuak a, chi leh vun rawng inthliarna a awm lo an ti.

Album of the Year bika Beyonce-i aia Adele-i’n a dawn tak zawk avangin Bey-i unau Solange bakah Kendrick Lamar te leh midang ṭhahnem takin an sawisel a, vun rawng avanga inthliarna a awm a ni an ti. Recording Academy president, Neil Portnow chuan Grammy-ah hian chi inthliarna a awm lo tih a sawi a, “Ka ngaihdan tlawm takah chuan gender emaw, vun rawng emaw, chi angin emaw music hi kan ngaithla ngai lo,” a ti. Vun rawng inthliarna chu awm se, Chance The Rapper-a’n Best New Artist a lak a rin loh thu a sawi.