Guns N’ Roses an che chhia

Thawhlehni zan khan Guns N’ Roses chu Not In This Lifetime tour-in Australia-a Melbourne khuaah an concert a, an concert neihna hmun hming an hai. An instrument technician McBob chuan mipui hmaah ‘Sydney’ a ti ringawt mai a, Melbourne khaw mipuite an lungawi lo hle, an boo khum hluah hluah. Show neih zawh hnu hian Guns N’ Roses hian Facebook kaltlangin thupha an chawi a, “Melbourne! Kum 30 hnuah tihpalh thil liau liauin McBob a ṭawngsual a, pawi kan ti tak zet a ni,” an ti. GnR hian reunion tour an nei mek a, hetah hian Axl Rose, Slash leh Duff McKagan te an tel a, an guitarist Izzy Stradlin erawh a tel ve lo.