Hraileng au rawl Top 50 inelna zanin aṭangin
Mizoram State Commission for Protection of Child Rights (MSCPCR) leh Zonet ṭangkawp buatsaih, 'Hraileng au rawl' recitation competition, middle school chin hnuailam zirlaite tana buatsaih-ah Audition Round zawhfel a nih hnuin top-50 chin intihsiakna chu zanin hian Zonet Zawlbuk channel leh Zonet Empai Apps ah te Live-a pek chhuah a ni dawn ta.
Top 50 inelna hi zanin (Zirtawp zan) leh naktuk zan (Inrinni zan) ahte neih a ni dawn a, zan khatah naupang 25 ve ve an inlan ang. Hraileng Aurawl inelnaah hian thupuiah 'Chhungkaw ṭha, hnam lungphum' tih hman a ni a, khua leh tui ṭha leh mi hmantlaka naupangte an lo ṭhanlen theihna tura Zoramin chhungkaw ṭha a mamawh zia pholanna lam hawi inelna a ni a, naupangten hla chham, poetry hmangin, an nu leh pa, khawtlang leh ram hruaitute laka an beiseina te an auchhuahpui dawn a ni.
Top 50 inelna zanina ṭan turah hian naupangte inelna tur, poetry te hi Mizo Poetry Society member-ten an phuah a ni a, poetry pakua thlang chhuakin chung zinga an duh ber chu inelnaa tel naupangte hian an chham dawn a ni.
Top 50 zankhatna leh zan hnihna-a inlan turte chu:
