Fak Zai top 10 ṭan a ni ta

Pentecost Fak Zai top 10 chu nizan khan neih ṭan a ni ta a, zaithiam panga an inlan. Fak Zai top 10 inelna hi zaninah neih chhunzawm tur a ni a, zaithiam pangain live music nen inelna an nei leh dawn a ni.

Dinthar Kohhran Hall-a neih inelna hi zan dar 7:30-ah ṭan tur a ni dawn a, General PYD YouTube channel-ah live-a en theih turin chhawpchhuah a ni ang.

Fak Zai top 10 inelna hi Zonet chuan Bawhbelah a pe chhuak ve leh dawn bawk a, zan khatna hi May 21, Inrinni zan dar 8:00-ah a chhuak ang a, May 22, Pathianni zan dar 8:00-ah zan hnihna pekchhuah leh a ni dawn bawk a ni.

General PYD Literature Committee leh Literature & Publication Board ṭang dunin an buatsaih Fak Zai top 10 aṭang hian, Grand Finale-a inlan tur zaithiam panga thlanchhuah leh an ni dawn a, May 27, Zirtawpni zan dar 8:00-ah zaithiam panga hi an inel leh ang.

Grand Finale hi Dawrpui Multipurpose Centre-ah neih tur a ni dawn a, Zonet Zawlbuk leh GPYD YouTube channel-ah live-a en theih tura pekchhuah a ni ang.