New York City-in Notorious B.I.G. chawimawi dawn

Rapper fam ta Notorious B.I.G. chu a piancham kum 50-na pualin New York City-in an chawimawi dawn a, Empire State Building light rawng chu a sen leh a varin an entir anga, a ngul sang laiah crown an virtir bawk ang.

Notorious B.I.G. chawimawina ceremony hi May 21 hian an nei dawn a, May 20-ah Empire State Building-ah special ceremony an buatsaih dawn bawk. Brooklyn-a piang rap legend hi kum 1997 khan kum 24 mi lek a nih laiin an kap hlum a ni.