'League of Extraordinary Gentlemen' siam thar leh dawn

Kum 2003-a tihchhuah 'League of Extraordinary Gentlemen' film chu Hulu lama chhuah turin an siam thar leh dawn.

Leonardo Dicaprio leh Kate Winslet channa 'Revolutionary Road' leh Jennifer Lawrence spy thriller film 'Red Sparrow' siamtu Justin Haythe chu screenplay buaipuitu tur a ni dawn niin The Hollywood Reporter chuan an tarlang.

'League of Extraordinary Gentlemen' film hmasaah khan Stephen Norrington direct niin lemchan lama sulhnu nei ṭha tak tak- Sean Connery, Naseeruddin Shah, Peta Wilson, Tony Curran, Stuart Townsend, Shane West, Jason Flemyng, leh Richard Roxburgh-te an chang a ni.