Linkin Park an la ropui zel

Mi tam tak chuan an thâwm dai hle tawh ang­in an ngai ang, mahse Linkin Park hian ropuina lukhum an la khum zel.

Ningani zing khan an single thar, Kiiara te nena an siam, ‘Heavy’ an tichhuak a, social media lamah chuan sawi ber a tling leh nghal ringawt.

Linkin Park hla thar ‘Heavy’ hi Linkin Park rock music ngaina tan ngainat zui zel a harsa ang em tih mai theih tur a ni a, pop leh R&B lam hrul lek lek a ni. Hei vang hian an fan-te pawhin an chai nasa hle a, chuvang chu a ni ngei ang, Billboard + Twitter Trending 140 chart-ah pakhatnaah a rawn kai zawk mai.

‘Heavy’ hi Linkin Park tan kum 2014 hnua an music thar tihchhuah hmasak ber a ni a, he hla hi an studio album pasarihna tur, May 19-a tihchhuah tur ‘One More Light’-a mi tur a ni.