Hraileng au rawl Top 50 zan hnihnaa inlan turte chu

Mizoram State Commission for Protection of Child Rights (MSCPCR) leh Zonet tangkawp buatsaih, 'Hraileng au rawl' recitation competition middle school chin hnuailam zirlaite tana buatsaih top 50 zan hnihna chu zanin hian neih a ni leh dawn a, mi 25 an inlan ang.

Zonet Zawlbuk channel leh Zonet Empai Apps-ahte Live-a pek chhuah a ni leh dawn a, nizan lamah khan mi 25 an lo inlan tawh bawk.

'Chhungkaw tha, hnam lungphum' tih chu thupuiah an hmang a, Top 50 inelnaah hian naupangte inelna tur, poetry-te chu Mizo Poetry Society memberte'n an phuah a ni a, poetry pakua thlang chhuakin chung zinga an duh ber chu inelnaa tel naupangte hian an chham a ni.