'Mary's Monster'-ah Clara Rugaard leh Kit Harington

'Mary's Monster' film-ah Clara Rugaard leh Kit Harington an chang dun dawn.Game of THrones star Kit Harington leh Danish lemchan thiam Clara Rugaard-te chan dunna tur film hi 'Frankenstein' author Mary Shelley chanchin a ni dawn a, Mary'n a horror novel lar tak ziak tura a beih dan leh a rilru lama harsatna a tawh dan chungchangte tarlan a ni dawn niin an tarlang. Clara Rugaard hi Mary lemah a chang dawn a, 'Kit' hi chu 'the monster' a ni dawn thung.

Official synopsis-ah chuan heti hian a inziak: "Mary chu a chhunga awm 'monster' chuan thlemin dinhmun hlauhawm tak, psychological romance rapthlak tak lamah a pawt a ni. A chhunga awm chu a rilru nena inzawm tlat, ṭhenhran theih loh a ni tih hriain, a zalen theihna tur awmchhun chu nunna neihtir a ni," tiin.

August thla hi chuan he fi lm hi an chang ṭan tawh dawn a, Ferdia WalshPeelo pawh a inlan dawn a ni. Farren Blackburn chu director tur niin Deborah Baxtrom leh Stephen Hallett-te chuan script an ziak ang.Kit chuan a script a ṭhat thu leh phurawm a tih tawh thu a sawi a, Clara pawhin chu project-a a tel thei tur chu lawmawm a tih thu leh hmeichhe ropui tak chanchin sawinaa a tel tur chu a inchhuan thu a sawi.