'Ocean's Eleven' Reboot leh Margot Robbie

Australian lemchan thiam Margot Robbie chu heist fi lm 'Ocean's Eleven' siam thar lehah a chan dawn bakah producer a ni dawn bawk niin an sawi.

He film thar tur hi tunah hian Warner Bros. lamah buaipui mek a nih hmel a, ' e Wolf of Wall Street' star hi Jay Roach nen an thawkdun leh dawn niin an sawi bawk. Kum 31 mi Margot channa 'Bombshell' kha Jay Roach kut chhuak hi a ni.

Margot Robbie bakah hian Tom Ackerley pawh producer tur tho a nih hmel a, chubak chu fi lm chungchang hi chiang taka tarlan an la nei lo thung.

Kum 2001 khan heist comedy film 'Oceans Eleven' hi tihchhuah a ni a, lemchan thiam lar tak tak George Clooney, Brad Pitt, Matt Damon, Don Cheadle, Andy García, Bernie Mac leh Julia Roberts-te chu changin a hlawhtling hle a, a chhunzawmna pawh pahnih hial an siam belh bakah a spin-off 'Ocean's 8' pawh an tichhuak a ni.