Adele concert vawi khatah USD nuai 6

Nikum chhung­a Adele-i’n concert tour a neihah khan, a vawi khat concert-ah, chawhrualin dollar nuai 6.23 lalut ziah ang a ni.

Adele-i firm, Remedy Tou­ring chuan Adele-i sum lakluh zat hi a tarlang a, a concert tour a zawh meuh chuan khawvela zaithiam zingah Adele chu sum lalut hnem berte zinga mi a ni ta a ni tiin a sawi.

A concert tour a hlawhtling a, chuvang chuan a firm pawh hian hlêp a ngah hle. Kum 2015 October aṭanga kum 2016 April thla chhung khan Adele-i firm, Remedy Touring hian USD mtd 13.4 zet hlep a nei. Remedy Touring chuan Adele-i’n a vawi khatna atana tour a neih hi a hlawhtling hle a, a sum lakluh pawh a rin phak bak a nih thu an sawi. Adele concert hi a turu hle a ni ang, Australia-a a concert-na tur hmun ṭhenkhatah chuan stadium chei ṭhat ngai hial khawpin ticket an hralh ṭha.