Eurovision organizing team an bâng vek
Khawvela zaia intihsiakna hlun ber, kum 1956 aṭanga neih tawh, Eurovision Song Contest-a organizing team te chu kumina he intihsiakna neih tura inbuatsaihna lang tlang taka kalpui a nih loh avangin an bâng vek.
Eurovision Song Contest 2017 hi May thla hian Ukraine-ah neih a ni dawn a, Europe-a ram hrang hrangten an inthlen chhawk ṭhin. He hun thlengtu tur Ukraine hian inbuatsaihnate langtlang takin a kalpui lo a ni ang, Eurovision team te an lungawi lo a, an bân thu an puang. Nikum December thla khan kum danga an mawhphurhna ṭhin ngei ngeite pawh chhuhsak an ni tawh tih an sawi bawk.
Eurovision Song Contest aṭang hian khawvela zaithiam lar ber berte an rawn chhuak tawh. Kum 1974-a Sweden-a nghah ṭumin ABBA chu pakhatna an lo ni tawh a, khawvel huapin an lar zui a nih kha. French Canadian, Celine Dion pawh kum 1988-a Switzerland-a nghah a nih khan pakhatna a ni tawh bawk.