Musician zingah Tiesto a zin nasa ber

TravelBird chuan zaithiam leh musician zinga khawvel hmun hrang hranga zin kual nasate a thlang chhuak a, zin nasa ber chu music producer leh DJ lar pahnih, Tiesto leh Paul van Dyke te an ni.

TravelBird hian music career an zawh ṭan aṭangin an zin nasat lam hi a chhut a, music producer, DJ ni bawk, Tiesto chu zin nasa ber a ni a, mêl 1,557,131 a zin a, amah ang bawk Van Dyk chu zin nasa ber pahnihna niin, mêl 1,442,993 a zin. Lei hêltu thla khi lei aṭangin kilometer 384,400-a hla a ni. Tiesto zin thui zawng hi KM chuan Km 2,505,959 a ni a, thlaah khian zin ta se, kal lam leh haw lam nen, vawi thum a zin thei dawn a ni. Van Dyk-a zin thui zawng hi KM chuan Km 2,322,272 a ni.

Bob Dylan chu zin tam pathumna a ni a, mêl 1,400,000 vel a zin a, chu chu Km 2,253,081.6 a ni. Metallica chu palinaah langin, mêl 1,300,000 vel an zin a, Km 2,092,147.2 an zin. Aerosmith, Muse, The Rolling Stones, U2, Cyndi Lauper leh Snoop Dogg te chu zin nasa top 10-a lang an ni.