Lindsay-i’n GTA hotute a khing thei dawn

Lindsay Lohan chuan Grand Theft Auto V chung­changah he game siamtute khin theih a nei ta a, court-ah a thlen leh thei dawn ta.

Grand Theft Auto V-a character Lacey Jones chu Lindsay Lohan hian amah behchhana an siam niin a sawi. Amah ang deuh hlek tura an siam mai bakah a story line pawh ama chanchin angin an siam niin a sawi a, Hollywood hotel an tihlante pawh a lo chên tawhna, a lo thlen fo tawhna a ni a ti.

Nikum March thla khan New York court-a judge chuan Lindsay Lohan puhna chungchangah he game siamtute chuan a prove-na document, Jonas hi Lindsay Lohan behchhana siam a ni lo tih nemnghehna an neih loh avangin Lindsay Lohan hian lawsuit hi a kalpui zel thei ang tiin thutlukna a siam a ni. Amaherawhchu chu New York state court-a appeal court chuan court hmasa thutlukna chu a dang a ni.

Hemi hnu hian Lindsay Lohan hian New York state-a court sang ber chuan Lindsay Lohan dinhmun sawh­nghet zawngin thutlukna a siam leh a, Lindsay Lohan hian court-ah thubuai a theh­lut thei dawn ta a ni.