Kristian rimawi thuthar ; Maverick City Music & Kirk Franklin thawhdunna album June 17-ah

Gospel music lam tuipuitu zingah chuan Maverick City Music leh Kirk Franklin-te hi hre lo kan awm awm lo e. Kristian rimawi huang chhunga top act pahnih thawhdunna album 'KINGDOM Book 1' chu June 17 hian tlangzarh a ni dawn.

He album hi Tribl Records / Fo Yo Soul Entertainment / RCA Inspiration kaltlangin an tlangzarh dawn a, an album title track 'Kingdom' phei chu kar hmasa lamah khan single-a tichhuak tawhin streaming platform hrang hrangah ngaihthlak theihin a awm tawh nghe nghe.

'KINGDOM Book 1'-ah hian hla 11 a awm dawn a, "He album hi kan fan, rimawi ngainatu zawng zawng ta a niin ka hria, heng hlate leh a phena thu awmte hian ni tina mi hrang hrangin chona an hmachhawn hnehna kawng a hawnsak chu kan beisei leh kan ṭawngṭaina pawh a ni," tiin Maverick City Music member Jonathan Jay chuan an album thar tur chungchang hi a sawi.

Kirk Franklin hi Grammy award 16 lai dawng tawhtu a ni a, Gospel rimawi huangchhungah chuan a ber zinga mi a ni. Maverick City Music pawh hian Grammy award an dawng ve tawh bawk a, kumin Grammy-ah khan Best Contemporary Christian Music Album an dawng a ni.

KINGDOM Book 1-a hla awm turte chu:-
1 Kingdom – Feat. Naomi Raine, Chandler Moore
2 Fear Is Not My Future – Feat. Brandon Lake, Chandler Moore
3 Bless Me
4 Jealous – Feat. Chandler Moore, Lizzie Morgan
5 Talkin Bout (Love) – Feat. Chandler Moore, Lizzie Morgan
6 The One You Love – Feat. Brandon Lake, Dante Bowe,
7 My Life Is In Your Hands – Feat. Chandler Moore
8 My Life Is In Your Hands – Feat. Chandler Moore
9 Melodies From Heaven – Feat. Chandler Moore, Maryanne George
10 I Smile – Feat. Lizzie Morgan
11 Why We Sing – Feat. Brandon Lake
12 Take Me Back – Feat. Dante Bowe, Chandler Moore, Ryan Ofei