Grace-i No Khat a la hit ber

Hontrade International Ṭhazual Lengzem chart tihchhuah thar berah zaithiam hming lang han en ila, hnuhma nei ṭha, record nei ṭha tak tak an ni nachungin, pakhatna luahtu erawh zaithiam thar lam, a music video pawh a siam hmasak ber, Grace 10:45 a ni a, a hla ngai 'No Khat' bawk hi Mizo mipuiin an la kham lo.

Lawmi Khiangte nen YouTube-a an zaina, Bruno Mars hla an saksak 'Billionaire' aṭang khan mi tam tak chuan Grace 10:45 hi an hre ṭan a, an chhinchhiah ru a, chhinchhiah tlak a ni. 'No khat' tih hla hi January 9 aṭang khan Lengzem chart-ah hian pakuanaah a rawn lang ṭan a, January 23 khan palinaah daih hma sawn chhoin, a vawi thum lannaah pakhatna a luah thei a ni.

Kimkima hla 'Ka zei an ti ṭhin' tih chu pahnihnaah a rawn kai chho ta a, Mercy Remsangmuani hla 'Hmangaihtu ngaiin an ṭap e' tih chu pathumnaah a rawn kai bawk. Top 10 aṭangin H. Lalbiakdiki hla 'Chawngtinleri' chu a chhuak a, Feli Fanai hla 'Theih chang se' tih chu pakuanaah a rawn lang thar.

Hontrade Internatio­nal Ṭhazual Lengzem

1. Grace - No Khat

2. Kimkima - Ka zei an ti ṭhin

3. Mercy Remsangmuani - Hma­ngaihtu ngaiin an ṭap e

4. Michelle Varte - Sakhmelṭhachuang

5. Caseys Secret - Duhaisam

6. Lilzo - Ka sawm che

7. Tetea - Duhaisam tikimtu

8. Mimi Renthlei - Hrilh an ka mawi si lo

9. Feli Fanai - Theih chang se

10. Thiamchantira - Palai tir ang aw