Fifty Shades Darker OST a hlawhtling

Movie lamah chuan Fifty Shades Darker hian pakhatna a luah thei lo a, pahnihnaah chawlhkar hnih a awm ta. Amaherawhchu he movie soundtrack erawh a hlawhtling a, Billboard 200 chart-ah pakhatna a luah thung.

Nikum September thlaa Suicide Squad soundtrack Billboard 200-a pakhatnaa a awm hnua soundtrack pakhatna luah leh hmasa ber chu Fifty Shades Darker soundtrack hi a ni. Kar liam ta chhung khan copy 123,000 zet hralh a ni a, heng zinga copy 72,000 chu album tlukpui a ni. Fifty Shades Darker soundtrack-ah hian hla 19 a awm a, chung zingah chuan Taylor Swift leh Zayn Malik sak ‘I don’t wanna live forever’ a hlawhtling a, anni pahnih bakah hian Sia Furler, Nicki Minaj, Nick Jonas leh John Legend te zai leh zaithiam lar tak tak zaite a ni hlawm.

Bruno Mars album 24K Magic chu pahnihnaah a awm a, pasarihna thlengin a tla thla hman tawh a, chumi hnuah pahnihnaah a rawn chho leh a ni. Unit 66,000 lai hralh a ni a, Grammy Awards-a a zai avanga hralh hi rawn pung leh a ni. Grammy avang bawkin Adele a rawn hlawhtling chho leh a, a album 25 kha 21-naah daih a awm tawh a, Grammy hnuah pathumnaah a rawn kai chho leh a, chutiang bawkin Beyonce pawh 33-na aṭangin pakuana a rawn thleng leh thei.

Big Sean album hlawhtling ‘I decided’ chu pathumnaah chhuk thlain, copy 62,000 a hralh a, Migos album ‘Culture’ chu palinaah a awm.

Billboard 200

“Fifty Shades Darker” Soundtrack - Various Artists (123,000)

“24K Magic” - Bruno Mars (66,000)

“I Decided” - Big Sean (62,000)

“Culture” - Migos (59,000)

“Starboy” - The Weeknd (54,000)

“25” - Adele (47,000)

“Trolls” Soundtrack - Various Artists (44,000)

“Joanne” - Lady GaGa (41,000)

“Lemonade” - Beyonce Knowles (38,000)

“La La Land” Soundtrack - Various Artists (33,000)