Prince-a hla streaming site tam zawkah dah

Zaithiam fam ta, Prince-a hla chu Tidal-ah chauh stream theiha an dah ṭhin chu streaming site tam zawkah dah chhuah a ni a, hei vang hian stream zat pawh nasa takin a pun phah.

Warner Bros. Records-a a awm laia Prince­-a hlate chu Tidal mai bakah Spotify, Apple Music, Amazon Music leh iHeartRadio-ah te dah chhuah a ni a, hei vang hian stream pawh nasa takin a pun phah. Feb 12 hma khan streaming site-a Prince hla stream zat hi 74,000 chauh a ni a, Feb. 12 aṭang khan streaming site tam zawka dah chhuah a nih aṭangin, Feb 12 aṭanga 13 chhung khan vawi maktaduai 4.77 zet an stream.

Prince hi kum 1978 aṭanga 1992 chhung khan Warner Bros. Records label hnuaiah a awm ṭhin a, hetih hunlai hi album a tichhuah tam hunlai a ni. Warner-a a awm loh hnu, kum 1992 hnu lamah album a tichhuak tam lo zawk. A hla an stream nasat belhna, a punna hi za zelah 6,323 zet a tling.