Dalai Lama sawm vangin Chinese zirlaite lungawi lo
US-a California University chuan kumina commencement ceremony a neih turah Tibet sakhaw hotu, Dalai Lama chu sawm a tum a, mahse hei hi he university-a Chinese zirlaiten na takin an dodal.
University of California San Diego (UCSD) chuan Dalai Lama hi khawvel huapa midangte rawngbawl hna a thawhna kawnga a thuchahte puanchhahna turin an sawm tih an sawi. Mahse Chinese zirlaite chuan kum 81 mi, Dalai Lama hi China ṭhendarh tum a ni tiin sawm an duh lo tih an sawi.
Chinese zirlaite hian thuchhuah siamin, Dalai Lama hi sakhaw hotu ringawt a ni lo a, mahse politics thil avanga ram anga himna zawnga tlanchhe mek, China ram inpumkhatna tihchhiat tumtu a ni,an ti.