Voltas Malsawm House Ṭhazual Lengzem ; Shin Bia ft Casper & Tluanga Hnamte = Pakhatna

Voltas Malsawm House Ṭhazual Lengzem chart-ah Shin Bia ft Casper & Tluanga Hnamte 'Ka tawng ta che' chu pakhatna a ni.

Shin Bia, Casper leh Tluanga Hnamte-te thawkho hian thla khat vel lek liam taah khan 'Ka tawng ta che' hi an tichhuak a, tunah chuan Ṭhazual Chart-ah pakhatna an ni ta der mai. He hla hi YouTube lamah thla khat vel chiah la dah ni mah se thlirtu sing ruk chuang an awm tawh a, chart-ah pawh hian a dinhmun a sang chak hle nghe nghe.

'Ka tawng ta che' hla hi a mawiin music pawh a nalh dangdai a, Shin Bia lah Zofate zinga a tlaknat zual lai a lo ni bawk nen chart-ah pakhatna an ni hi a mak loa, chart leh lamah eng dinhmunah nge an din zel dawn tih chu hriat a chakawm tawh viau mai.

Pahnihna chu Zorinzuali Khiangte niin a hla 'Lungher lo la' chu pahnihna a nihpui. Zorinzuali hian hun rei tak chhung hla thar a tihchhuah tawh loh hnuah tunhnai lawk khan 'Lungher lo la' hi a rawn tichhuak a, a tihchhuah aṭangin thla khat em pawh la liam lo mah se chart-ah a dinhmun a sang chak a, pahnihna a ni der tawh a ni.

Remkimi Cherput pawhin a rawn come-back-na hla 'Nghak zel nang che' chu top 3-ah a rawn inhlankaipui ve leh bawk.

Tunṭum ṭhazual chart-ah hian Lowdy ft Emily Sung, Zaii Hauchhum, Grace Lalchhanhimi leh Jt. Production-te pawh an lang a ni.

Voltas Malsawm House Ṭhazual Lengzem top 10:-
1 Shin Bia ft Casper Ka tawng ta che & Tluanga Hnamte
2 Zorinzuali Khiangte Lungher lo la
3 Remkimi Cherput Nghak zel nang che
4 Lowdy ft Emily Sung Ze hrang
5 Zaii Hauchhum Ka chelh ngam lo che
6 Zodinpuii Sailo Min hre reng ang che
7 Bawi Hmun Lian Thinlung rukru
8 Grace Lalchhanhimi Chunnu
9 Mabiaki Pachuau Lung a leng e
10 Jt. Production Duhthusam suangtuahna