Global Citizen lehkhathawnah Billie Eilish, Shawn Mendes leh Coldplay-te'n hming ziak

International advocacy organization Global Citizen chuan sorkar, private sector leh billionaire-te hnenah retheihna leh climate change donaa hmala tura ngenna 'open letter' an thawn a, chutah chuan milar tak takte'n hming ziakin chung zingah chuan Billie Eilish, Shawn Mendes leh Coldplay-te pawh an tel.

Global Citizen chuan an End Extreme Poverty Now campaign peng pakhat atan lehkhathawn sei tak an thawn chhuak a, chutah chuan khawvel ram hrang hrang hruaitute chu retheihna leh sik leh sa inthlak zel dona kawnga hma chak tak leh rang tak mai bakah, awmze nei taka la turin an ngen a ni. An lehkhathawnah chuan hmeichhe naupangte leh ṭhalai, abikin hmeichhiate dinhmun chawisan lam pawh an ziak tel bawk.

Pathianni khan he lehkhathawn hi Global Citizen NOW hawnnaah an tichhuak a ni. Global Citizen NOW hi an pawl leadership summit hmasa ber niin New York City-ah an nei a, ni hnih awh tur niin mi 200 velin thu an sawi dawn a ni.