Evanescence guitarist Jen Majura-i'n band a chhuahsan

Evanescence chuan an guitarist Jen Majura-in band a chhuahsan thu an tarlang.

Amy-Lee-te band guitarist Jen Majura hi kum 38 mi niin German mi a ni a, kum 2015 khan band hi zawmin kum sarih lai ṭingṭang a perhsak hnuah a chhuahsan ta a ni.

Social Media lamah Evanescence chuan thuchhuah siamin Jen Majura hoa an hun hman chu an band tana bung special tak a nih thu an tarlang a, an support reng thu leh hun ṭha tak an hmangho thei chu lawmawm an tih thu an sawi.

Jen chuan Twitter lamah a duh vang renga band chhuahsan a nih loh thu leh a bandmate-te nena an inkarah boruak chhia engmah a awm loh thu a sawi a, Evanescence chu duhsakna a hlan bawk a ni.

Evanescence-ah hian Amy-Lee tih loh chu an band original line-up member an awm tawh lo a, band a dinpui Ben Moody chuan kum 2003 khan band chhuahsain Terry Balsamo chuan a ai a rawn awh a, Balsamo ai hi Jen hian a rawn awh ve leh a ni.