Kit Harington film channa tur 'Blood for Dust'

Game of Thrones star Kit Harington chu 'Blood for Dust' film-ah a chang dawn.

GOT-a 'Jon Snow' lem a chan avanga hriat hlawh tak kum 35 mi English actor hi Scoot McNairy leh Josh Lucas-te nen he film-ah hian an chang ho dawn a, action thriller film tur niin Rod Blackhurst chuan a direct dawn a ni. Rod leh David Ebeltoft-te chuan script an ziak thung dawn nia tarlan a ni bawk.

Lemchan thiam vanga Young Hollywood Awards-te pawh lo dawng tawhtu Kit Harington hi GOT a chan hnuah film lar tak takah a inlan leh nual tawh a, chung zingah chuan kum 2021-a tihchhuah 'Eternals' pawh kha telin 'Friends: The Reunion'-ah pawh khan a inlan a ni.