Kurt Cobain-a 'Smells Like Teen Spirit guitar' $mtd 4.5-in hralh

Nirvana frontman fam ta Kurt Cobain-a'n 'Smells Like Teen Spirit'-a a guitar perh chu lilamnaah $maktaduai 4.5-in an hralh.

Kum 27 mi lek nia fam ta, a sulhnu erawh khawvelin a theihnghilh tawh loh tur Cobain-a guitar hi Pathianni khan New York-a Julien's Auctions-ah hralh a ni a, $4,550,000-in Jim Irsay Collection hnenah an hralh a ni.

Cobain-a guitar an hralh tak hi Fender Mustang niin a rawng chu Lake Placid Blue a ni a, Cobain-a guitar duh ber niin an sawi ṭhin. Amah ngei pawhin kum 1991 khan,"Khawvela guitar awm zawng zawngah Fender Mustang hi ka duh ber a, pahnih ka nei a ni," tiin a lo sawi tawh nghe nghe a ni.