Hlimhlimi’n inenfiah turin min duh em ni?

RickyDrac leh BOG te nen ‘Rûnah’ tih hla hit zet mai an rawn tichhuak a, chumi hnuah Hlimhlimi chu a malin a rawn ding chhuak a, inenfiah turin min duh a niang ‘Inenfiah rawh’ tih hla chu music video-ah a siam.

Hlimhlimi hi Ṭhazual chart lamah pawh a hlawhtling thei hle a, ‘Ka fak ang che’, ‘I pan ang’, ‘Ngai r’u van mi tlangau chu’ tih hlate pawh hla hit pawl a tling thei zel a, tuna a hla thar ‘Inenfiah rawh’ tih pawh hi beisei a sang hle. He hla hi Hlimhlimi’n a sak kan hre fo tawh mai thei, Live Wire-a a sak tawh kha a ni.

‘Inenfiah rawh’ tih hla hi Hminga phuah a ni a, amah Hminga hian guitar a perh nghal bawk. Mizo Idol-a musician, Kimkima chuan bass guitar he music video-ah hian a perh a, a hla a tho ṭha a, blues leh rock lam a ni a, tun thlaah zawh hman ngei tumin hma a la mek. Blue Wave-ah record a ni.

Hlimhlimi hi Blue Waves Records label hnuaia awm a ni a, chuvang chuan a record label hian an hauh hle. A produ­cer chuan music label mumal tak hnuaia awm a nih avangin a rem dan dana pawh kual a rem lo tih a sawi a, collection leh zaipui, various artist ang chiah pawh producer te remtihna lak a ngai dawn. Record label lam chuan, “Project kan nei a, lo zai ve rawh tih ang chia pawh chawp kan phal lo. Chutianga tel tura an duh a nih pawhin kan remtihpui a ngai ang. Hei hi nakin zelah pawh min hriatsak se, kan label hnuaia zaithiam dangte pawh hetiang bawk hian kan hauh a ni,” a ti.