Plastic surgery vanga a nu a thih tawh avangin Kanye-a’n plastic surgery ti lo turin Kim-i a duh

Kim Kardashian hian plastic surgery hmanga insiamṭhat a tum nia tarlan a ni a, a pasal Kanye West erawh chuan a duhpui lo hle. A nu, kum 2007-a a chân ta ang khan thil a thleng leh ang tih a hlau.

Kanye West nu, Donda West hi kum 2007 khan a thi a, a thih chhan nia an sawi chu lung ṭha lo vang a ni. A lung a ṭhat loh chhan hi plastic surgery a tih vang nia sawi a ni. Beverly Hills-a plastic surgeon, Andre Aboolian chuan Donda West hian plastic surgery tih a duh avangin a pan a, mahse a lo hnar tih sawiin, a hriselna a ṭha tawk lo a, plastic surgery tih bawk chuan lung ṭha lo a thlen thei dawn tih a hria a, doctor pan turin a râwn a, mahse Donda hian a pan ta lo niin a sawi.

Hetiang thil hi a nih tawh avangin Kanye West hian a nupui, Kim Kardashian-i’n plastic surgery a ti tur hi a vei a, a rilru a mawlh a, ti lo hram turin a duh a ni. Kim hian a biang leh a mawng bawr vel plastic surgery hmanga khawih danglam a tum nia sawi a ni. Kanye hian a nu a lo chân tawh avangin a hlauthawng a, khatiang thil kha a thleng leh palh ang tih a hlau hle. Kim hi a hma pawhin plastic surgery hmangin a lo insiam danglam hret tawha sawi a ni.