Angelina Jolie-i’n a ei hrawm hraw sawt

Cambodia-a zin Angelina Jolie chuan Cambodia ram a ngaina a, an ei leh in ang chi pawh a hnualsuat lo tih entir nan hmun tam taka ei ena an en loh thil mak pui pui te a ei a, tui a ti hle. BBC World News-in a tarlan dan chuan kum 41 mi actress hian perhpawng te, khawmual kaikuang leh chingchip te pawh a ei ve zel a, tui a ti hle. Perhpawng phei chu beer hmehah a tui hle niin a sawi.

Jolie hian Brad Pitt nena an inṭhen chung­changah, chhungkua an la nih ho leh theih a ring a, “Hun harsa tak kan tawng mek a, hei bak hi chu thil dang vak sawi ka duh rih lo. Chhungkua kan ni a, chhungkua kan la ni zel thei ang a, tun ang hun hi kan la paltlangin, chhung­kaw nghet zawk kan la ni ang,” a ti.