MDC-ah Souls on Fire an rawn kal dawn

Mizo Dance Camp chuan March 6 aṭanga 31 chhung hian Spring Intensive a buatsaih dawn a, he hunah hian workshop nei turin India rama dance artist inzawmkhawm ‘Souls on Fire’ an rawn kal dawn.

MDC-in Spring Intensive a buatsaih tura rawn kal tur, Souls on Fire te hi New Delhi, Mumbai, Bangalore leh Kolkata-a mite an ni hlawm a, India ram huapa hming lo chher tawh leh, intihsiakna hrang hranga lo tel tawh, hlawhtlinna lo nei tawh te an ni. An zingah hian ‘So You Can Think You Can Dance’-a India finalist te pawh an tel. Souls on Fire lo kal turte hi Ryan Martyr, Sambo Mukherjee, Sandeep Chhabra, Ravi Varma leh Abhishek Das te an ni.

Spring Intensive chhung hian Souls on Fire workshop hi a hranpaa neih a ni dawn a, anni hian choreo hrang hrangte an zirtir ang a, class an pe ang. Workshop-ah hian hip-hop style hrang hrang behchhana inzirtir a ni ang a, anni ho hian March 16-20 chhungin class neih a ni dawn a ni.

Spring Intensive-a zirlaite hi a tawpah Mizoram Super League-ah Live-in an perform leh dawn. Spring Intensive MSL-a perform tur zirtirtu tur artist-te hi Zuala Hmar, Glimmer Chhandami, Steve Lalruatkima, Priscilla Hmar, Naom Chhangte leh Immanuel Sailo te an ni. Spring Intensive-a zir duhte chuan Mizo Dance Camp Studio Electric Vengah Registrations a tih theih. Spring Intensive-a perform tur bik ngawr ngawr zir duh tan te, Souls on Fire Workshop chauh attend duh tan te leh, a pahnih attend a, hlawkna tam zawk chhar duh tan pawh registrations hi a tih theih a ni.